ភ្នំពេញ ៖ ករណីផ្ទុះអាវុធមួយបានកេីតឡេីង និងមានការភ្ញាក់ផ្អើលដល់កម្លាំងសមត្ថកិច្ចនិងជាពលរដ្ឋ ដោយជនមិនស្គាលមុខបានជិះរថយន្តឡិចស៊ីសពណ៌សមួយគ្រឿង ហើយឈប់កណ្ដាលផ្លូវ រួចបានដកកាំភ្លេីងខ្លីបាញ់ទៅលើមេឃចំនួន០៣គ្រាប់ ក្រោយមកក៏បេីករថយន្តគេចខ្លួនបាត ។
ហេតុការណ៏ខាងលើបានកើតឡើងកាលពី វេលាម៉ោង០៣:៤៥នាទីទៀបភ្លឺ ឈានចូលថ្ងៃទី១៨ ខែឧសភា ឆ្នាំ២០២២នេះ នៅចំណុចផ្លូវ៤៣២ កែងផ្លូវលេខ១០១ ស្ថិតនៅក្នុងសង្កាត់បឹងត្របែក ខណ្ឌចំការមន រាជធានីភ្នំពេញ ។
ប្រភពពីសាក្សីដែលឃេីញហេតុការណ៍ផ្ទាល់បានឲ្យដឹងថា នៅមុនពេលកេីតហេតុ គាត់ឃេីញរថយន្តមួយគ្រឿង ម៉ាកឡិចស៊ីស ពណ៌ស (មិនចាំស្លាកលេខ) ធ្វើដំណើលើផ្លូវ៤៣៣ ល្បឿនធម្មតា ក្នុងទិសដៅពីកេីតទៅលិច លុះមកដល់កន្លែងកើតហេតុរថយន្ដខាងលើក៏បានឈប់ ស្រាប់តែពេលនោះក៏លាន់ឮសំលេងផ្ទុះអាវុធ ចំនួន០៣គ្រាប់បន្តបន្ទាប់គ្នាចេញពីក្នុងរថយន្តខាងលេី ហេីយក៏បេីករចេញទៅបាត់ ។
រថយន្ដខាងលើបានបេីកបត់ឆ្វេងទៅតាមផ្លូវ១០១ រួចបន្ថែមល្បឿនគេចបាត់ស្រមោល ក្រោយមកប្រជាពលរដ្ឋរស់នៅជិតនោះបានផ្ដល់ដំណឹងនេះទៅក្រុមអ្នកសារព័ត៌មាន ជួយទាក់ទងប្រាប់សមត្ថកិច្ចមូលដ្ឋានចុះជួយអន្តរាគមន៍ផង។
មួយសន្ទុះក្រោយមកទេីបគេឃេីញកម្លាំងសមត្ថកិច្ចប្រដាប់អាវុធខណ្ឌចំការមន មានទាំងកម្លាំងនគរបាលប៉ុស្តិ៍ និងកម្លាំងអាវុធហត្ថខណ្ឌ ចេញអន្តរាគមន៍ឆ្ពោះសំដៅទៅកន្លែងដែលផ្ទុះអាវុធនោះ តែមកដល់រកឃេីញតែសំបកគ្រាប់កន្ទុះ០៣គ្រាប់នៅលេីថ្នល់ប៉ុណ្ណោះ។
បច្ចុប្បន្នសំបកគ្រាប់ចំនួន០៣គ្រាប់ដែលខ្មាន់កាំភ្លេីងមិនស្គាល់អត្តសញ្ញាណបាញ់ហេីយគេចខ្លួនបាត់នោះ ត្រូវបានសមត្ថកិច្ចប៉ុស្តិ៍នគរបាលបឹងត្របែក រេីសយកទុកធ្វេីជាវត្ថុតាង និងរាយការណ៍ប្រាប់ថ្នាក់លេី ដេីម្បីស្វែករកខ្មាន់កាំភ្លេីង យកមកចាត់ការតាមច្បាប់៕
