សហរដ្ឋអាមេរិក ៖ ក្នុងនាមជាមេដឹកនាំប្រទេសមានអធិបតេយ្យ ឯករាជ្យ បូរណភាព មានការទទួលស្គាល់ពីអន្តរជាតិ ហើយកើតចេញពីការបោះឆ្នោតត្រឹមត្រូវគាំទ្រពីប្រជាជន គឺសម្តេចតេជោ ហ៊ុន សែន នាយករដ្ឋមន្រ្តី និងជាប្រធានអាស៊ាន ត្រូវបានអញ្ជើញជាផ្លូវការពីមេដឹកនាំអាមេរិក មិនគួរណាមានជនថោកទាប និងអគតិខ្មែរ-អាមេរិកាំងម្នាក់នេះធ្វើទង្វើដ៏ស្មោគគ្រោកបែបនេះឡើយ! គ្មានខ្មែរណាគាំទ្រសារជាតិតិរច្ឆានរបស់លោកឯងទេ ។
ចូរចងចាំថា សំខាន់អ្នកទទួលខុសត្រូវផ្នែកសន្តិសុខរបស់អាមេរិកមិនគួរណាបណ្តែតបណ្តោយ និងមិនចាត់ការតាមផ្លូវច្បាប់ចំពោះជនថោកទាបនេះសោះ! ប៉ុន្តែទាន់ហន់ ព្រះជួយមិនរួចទេ សូម្បីតែ រកស្បែកជើង ក៏អត់បានមកវិញដែរ។
ចាំទុក! ទង្វីដែលលោកឯងប្រមាថថ្នាក់ដឹកនាំខ្ញុំ ខ្ញុំមិនអាចអត់ឱននិងលើកលែងឱ្យបានទេ ត្រូវចាំផង ចាស់ហើយហេតុអីសារជាតិតិរច្ឆាន !
ខ្មែរតូចមែន ប៉ុន្តែសម្រាប់ព្រឹត្តិការណ៍កិច្ចប្រជុំធំៗកន្លងមកជាលក្ខណ:អន្តរជាតិ ការទទួលខុសត្រូវលើផ្នែកសន្តិសុខ សម្រាប់ប្រមុខរដ្ឋ ប្រមុខរដ្ឋាភិបាលដែលអញ្ជើញមកចូលរួមត្រូវបានធានាយ៉ាងល្អខ្លាំងណាស់ ហើយក៏មិនដែលឱ្យហេតុការណ៍បែបនេះឬធ្ងន់ជាងនេះកើតឡើងឡើយ!
ប្រជាពលរដ្ឋខ្មែរម្នាក់ៗគាំទ្រមេដឹកនាំរបស់ខ្លួន សូមប្រកាសថ្កោលទោស ចំពោះទង្វើបុគ្គលម្នាក់នេះ គ្មានដែនកំណត់ និងទទូចកុំឱ្យមកជាន់ដីខ្មែររហូតដល់ថ្ងៃស្លាប់!
លោក ហ៊ុន ម៉ានី បានថ្លែងថា ទង្វើដែលប្រមាថមកលើពុក មកលើនាយករដ្ឋមន្ត្រី មកលើប្រធានគណបក្សប្រជាជនកម្ពុជា គឺជាទង្វើដែលមិនអាចទទួលយកបានជាដាច់ខាត។ ទង្វើនេះ ពួកយើងទាំងអស់គ្នា ជាសមាជិកគណបក្ស និងជាប្រជាជនខ្មែរដែលគាំទ្រគណបក្សប្រជាជនកម្ពុជាមិនអាចបន្ធូរបន្ថយ ឬសម្រាលទោសកំហុសដល់ពួកជ្រុលនិយមទាំងអស់នោះបានទេ។
ពួកយើងត្រូវចាំ និងមិនត្រូវភ្លេចចរិតជ្រុលនិយមរបស់ពួកនេះឡើយ។ អស់លោកក៏ត្រូវចាំថា អ្នកណាធ្វើ អ្នកនោះទទួល៕
