ភ្នំពេញ៖ ករណីផ្ទុះអាវុធជាង១០គ្រាប់ទាំងព្រលឹម បណ្ដាលឲ្យបុរសជនជាតិចិនម្នាក់រងរបួសដេកដួលក្នុងថ្លុកឈាម នៅចំណុចកើតហេតុ ហើយភាគីខ្មាន់កាំភ្លើងបានគេចខ្លួនបាត់ស្រមោល។
ហេតុការណ៍ផ្ទុះអាវុធខាងលើនេះ កើតឡើង កាលពីម៉ោង០៧:០៥នាទីព្រឹកព្រលឹមថ្ងៃទី៤ ខែមេសា ឆ្នាំ២០២២នេះ នៅចំណុចមុខក្លឹបចិនមួយកន្លែង ស្ថិតនៅជិតអតីតភោជនីយដ្ឋាន XOចាស់ ស្ថិតនៅផ្លូវលេខ៥៥ កែងផ្លូវលេខ២២២ ក្នុងសង្កាត់បឹងរាំង ខណ្ឌដូនពេញ រាជធានីភ្នំពេញ។
បេីតាមប្រភពព័ត៌មានបឋមដែលក្រុមការងារទទួលបាន បន្ទាប់ពីទទួលបានដំណឹងនេះភ្លាម គេឃើញកម្លាំងសមត្ថកិច្ចមូលដ្ឋានបានចុះទៅដល់កន្លែងកើតហេតុភ្លាម ដើម្បីពិនិត្យមើល និងរើសសំបកគ្រាប់ជាច្រើនគ្រាប់ យកទៅរក្សាទុកធ្វើកំណត់ហេតុរាយការណ៍ជូនថ្នាក់លើ ដើម្បីស្រាវជ្រាវបន្តតាមជំនាញ រីឯអ្នករបួសត្រូវបានសមត្ថកិច្ចទាក់ទងរថយន្តសាមុយមកដឹកយកទៅសង្គ្រោះនៅឯមន្ទីរពេទ្យកាល់ម៉ែត។
ករណីផ្ទុះអាវុធ បណ្ដាលឲ្យបុរសជនជាតិចិនម្នាក់ម្នាក់រងរបួសនេះ គេមិនទាន់ដឹងច្បាស់ពីមូលហេតុនៅឡេីយ ។
