ព្រះករុណា ព្រះមហាក្សត្រ ស្តេចយាងមកដល់មាតុប្រទេសវិញ បន្ទាប់ពីបានយាងទៅបំពេញព្រះរាជទស្សនកិច្ចនៅខេត្តហៃណាន

ភ្នំពេញ ថ្ងៃទី២១ ខែធ្នូ ឆ្នាំ២០២៤–ព្រះករុណាជាអម្ចាស់ជីវិតលើត្បូង ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា ស្តេចយាងមកដល់អាកាសយានដ្ឋានអន្តរជាតិភ្នំពេញ ប្រកបដោយព្រះរាជសុវត្ថិភាព នារសៀលថ្ងៃទី២១ ខែធ្នូ ឆ្នាំ២០២៤ បន្ទាប់ពីព្រះអង្គបានយាងទៅបំពេញព្រះរាជទស្សនកិច្ចនៅខេត្តហៃណាន សាធារណរដ្ឋប្រជាមានិតចិន រយៈពេល៣ថ្ងៃកន្លងមក។