បេក្ខជនចំនួន២៤០នាក់នឹងចូលរួមប្រឡងជ្រើសរើសសិស្សពូកែទូទាំងប្រទេសនៅដើមសប្តាហ៍ក្រោយនេះ
ភ្នំពេញ៖ ការប្រឡងជ្រើសរើសសិស្សពូកែផ្នែកអក្សរសិល្ប៍ខ្មែរ គណិតវិទ្យា និងរូបវិទ្យា ថ្នាក់ទី៩ និងថ្នាក់ទី១២នៅទូទាំងប្រទេសឆ្នាំនេះនឹងប្រព្រឹត្តិទៅចាប់ពីថ្ងៃទី១២ដល់ថ្ងៃទី១៦ខែឧសភាឆ្នាំ២០២៤នៅវិទ្យាល័យជាស៊ីមសន្ធរម៉ុករាជធានីភ្នំពេញដែលតាមការគ្រោងទុក មានបេក្ខជនចូលរួមប្រឡងចំនួន ២៤០នាក់។
លោកស្រី ឃួនវិច្ឆិកា អ្នកនាំពាក្យក្រសួងអប់រំយុវជននិងកីឡាបានមានប្រសាសន៍ថាសម្រាប់ការប្រឡងនេះក្រសួងអប់រំបានរៀបចំលក្ខណៈរួចរាល់ហើយរង់ចាំតែថ្ងៃដែលអនុវត្តនិងបើកការប្រឡងនៅថ្ងៃទី១២ឧសភាខាងមុខនិងបានផ្តាំផ្ញើរដល់ប្អូនៗជាបេក្ខជនប្រឡងទាំងអស់សូមបន្តការខិតខំប្រឹងប្រែងថែទាំសុខភាពឱ្យបានល្អនិងបរិភោគចំណីអាហារឱ្យបានគ្រប់គ្រាន់ដើម្បីមានបញ្ញាភ្លឺស្វាងក្នុងការចូលរួមប្រកួតប្រកបដោយជោគជ័យ៕
