គេពុំដឹងថា សួនច្បារខណ្ឌចែកទ្រូងផ្លូវនេះ អង្គភាពឬក្រុមហ៊ុនណាជាអ្នកទទួលបន្ទុកមើលថែទាំនោះទេ ។
បើសិនជាយើងធ្វើដំណើរចុះពីស្ពានព្រែកព្នៅ យើងនឹងឃើញ សួនច្បារខណ្ឌចែកមហាវិថីឈ្នះ ឈ្នះ ស្មៅនិងកូនឈើងាប់សព្រាត ។ មិនថាតែស្មៅនិងកូនឈើទេដែលខ្វះការថែទាំនោះ សូម្បីតែខឿនសួនច្បារក៏បាក់បែកខ្វះការថែទាំជួសជុលដែរ ។
បើតាមអ្នកលក់ដូរនៅខាងលិចស្ថានីយបូមទឹកកប់ស្រូវ និយាយថា ស្មៅនិងកូនឈើងាប់នេះ ដោយសារតែខ្វះអ្នកថែទាំស្រោចទឹកឲ្យបានដិតដល រួមនឹងធាតុអាកាសក្តៅហែងផង ។ ពួកគាត់និយាយទៀតថា ឲ្យស្មៅរស់យ៉ាងម៉េច បើរយៈពេលប្រមាណ១សប្តាហ៍ទើបឃើញ រថយន្តមកស្រោចទឹកម្តង ។ បើស្រោចរាល់ថ្ងៃឬក៏២ថ្ងៃម្តង ក៏ស្មៅនិងកូនឈើអាចលូតលាស់បានដែរ ។ ម្យ៉ាងទៀត សួនច្បារដីទួលខ្ពស់ជាងខឿន ពេលស្រោចទឹកហូរចេញអស់ ៕
