ឯកឧត្តម ហ៊ុន ម៉ានី សមាជិកគណៈអចិន្ត្រៃយ៍គណៈកម្មាធិការកណ្តាល និង ជាប្រធានក្រុមការងារគណបក្សចុះជួយខេត្តកំពង់ស្ពឺ ជួបសំណេះសំណាលជាមួយ ក្រុមប្រឹក្សាឃុំ-សង្កាត់នៃខេត្តកំពង់ស្ពឺ ឆ្ពោះទៅកាន់ការបោះឆ្នោតព្រឹទ្ធសភានីតិកាលទី៥ ឆ្នាំ២០២៤ នៃភូមិភាគទី៧ នៅមន្ទីរគណបក្សខេត្ត។

ឯកឧត្តម ហ៊ុន ម៉ានី បានសម្តែងនូវភាពជឿជាក់ និងទំនុកចិត្ត លើថ្នាក់ដឹកនាំឃុំ សង្កាត់យើងទាំងអស់ ទាំងស្មារតី និងសមត្ថភាពនៃការបំពេញការងារ ដើម្បីធានានូវនិរន្តភាព របស់ប្រទេសជាតិ និង លើកចិត្តឱ្យមន្ត្រី ថែទាំសុខភាព ថែរក្សាឱ្យបាននូវឯកសារសម្រាប់បម្រើឱ្យការបោះឆ្នោត និងត្រៀមខ្លួនចេញទៅបោះឆ្នោតជ្រើសតាំងសមាជិកព្រឹទ្ធសភា នីតិកាលទី ៥ នៅថ្ងៃទី២៥ ខែកុម្ភៈ ឆ្នាំ ២០២៤ ខាងមុខនេះ។