យោងតាមរបាយការណ៍របស់គ្រឹះស្ថានអង្គរ បានបង្ហាញឱ្យដឹងនៅថ្ងៃទី០២ ខែមករា ឆ្នាំ២០២៤នេះថា រយៈពេល១២ខែ ក្នុងឆ្នាំ២០២៣ ចំនួនភ្ញៀវទេសចរ បរទេសបានទិញបណ្ណ ចូលទស្សនារមណីយដ្ឋានអង្គរមានចំនួន៧៩៨ ០៦៩នាក់ ធៀបរយៈពេលដូចគ្នា ក្នុងឆ្នាំ២០២២ មានការកើនឡើង ១៧៧,៦៣ ភាគរយ ដោយទទួលបានចំណូលពីការលក់បណ្ណបានចំនួន ៣៧ ១៩៨ ៩៨៨ដុល្លារអាម៉េរិក បើធៀបរយៈពេលដូចគ្នាក្នុងឆ្នាំ២០២២ មានការកើនឡើង ២២២,៦៨ ភាគរយ។ ដោយបានឧបត្ថម្ភចូលមូលនិធិគន្ធបុប្ផាកម្ពុជា បានចំនួន ១៥៩៦ ១៣៨ ដុល្លារអាម៉េរិក ផងដែរ ៕
