ក្រោយបញ្ចប់ដំណើរទស្សនៈកិច្ចថ្ងៃនេះ លោក ស្រេតថា ថាវីស៊ីន បានបង្ហោះលើគណនី Facebook ផ្លូវការដោយបង្ហាញពីអារម្មណ៍ពេញចិត្ត និងថ្លែងអំណរគុណចំពោះសម្ដេចមហាបវធិបតី ហ៊ុន ម៉ាណែតជាថ្នាក់ដឹកនាំដំបូងគេ ដែលបានទូរស័ព្ទមកអបអរសាទរលោកក្នុងពេលឡើងកាន់តំណែងជានាយករដ្ឋមន្ត្រី។ ប្រទេសថៃ និងកម្ពុជានៅតែមានសក្តានុពលក្នុងការបង្កើនកិច្ចសហប្រតិបត្តិការក្នុងវិស័យទេសចរណ៍ ផ្នែកវេជ្ជសាស្ត្រ និងសុខភាព ដែលលោក ស្រេតថាស្នើឱ្យកម្ពុជាអនុញ្ញាតឱ្យមានការប្រើប្រាស់ប័ណ្ណឆ្លងដែនបណ្ដោះអាសន្នដើម្បីលើកកម្ពស់វិស័យទេសចរណ៍តាមបណ្តោយព្រំដែន ។ ជំរុញឱ្យមានការវិនិយោគបន្ថែមទៀតរវាងប្រទេសទាំងពីរ គាំទ្រសហគ្រាសធុនតូច និងមធ្យម ក៏ដូចជាសហគ្រិនវ័យក្មេងនៅក្នុងប្រទេសថៃ-កម្ពុជាផងដែរ៕
