ភ្នំពេញ ៖ ជនសង្ស័យម្នាក់ត្រូវបានប្រជាពលរដ្ឋដេញចាប់ប្រគល់ជូនសមត្ថកិច្ចក្រោយពីរូបគេធ្វេីសកម្មភាពឡេីងលេីផ្ទះហើយចូលឆ្កឹះសោបន្ទប់ជួលបំណងលួចយកទ្រព្យសម្បត្តិ តែម្ចាស់បន្ទប់មកទាន់។
ហេតុការណ៍នេះបានកេីតឡេីងកាលពីវេលាម៉ោង២និង២០នាទីរសៀល ថ្ងៃទី១ ខែមីនា ឆ្នាំ២០២២ នៅចំណុចក្នុងបុរីសែនមនោរម្យ ផ្លូវបេតុង ភូមិកន្ទោកជេីង សង្កាត់កន្ទោក ខណ្ឌកំបូល រាជធានីភ្នំពេញ។
ជនសង្ស័យឈ្មោះមាស វីន ភេទប្រុសអាយុ២១ឆ្នាំ មុខរបររេីសអេតចាយ ស្នាក់នៅភូមិកន្ទោកជេីង សង្កាត់កន្ទោក ខណ្ឌកំបូល រាជធានីភ្នំពេញ។
តាមសម្តីម្ចាស់ផ្ទះជួលបានឱ្យដឹងថា មុនពេលកេីតហេតុខណៈម្ចាស់បន្ទប់ជួលទៅធ្វេីការអស់ចាក់សោខាងក្រៅត្រឹមត្រូវនោះក៏ស្រាប់តែមកដល់វេលាកេីតហេតុគាត់មេីលក្នុងកាមេរ៉ាសុវត្តិភាពឃេីញជនសង្ស័យម្នាក់កំពុងឆ្កឹះសោបន្ទប់ជួលបំណងចូលលួចទ្រព្យសម្បត្តិ ភ្លាមនោះរូបគាត់ក៏បានឡេីងទៅមេីល ជនសង្ស័យក៏ព្យាយាមរត់គេចខ្លួនតែត្រូវរូបគាត់ស្រែកថាចោរៗទេីបពលរដ្ឋនាំគ្នាដេញចាប់បានតែម្តង។ ក្រោយកេីតហេតុសមត្ថកិច្ចបានចុះមកដល់ចំណុចកេីតហេតុនិងធ្វេីការឃាត់ខ្លួនយកទៅសួរនាំដេីម្បីចាត់ការតាមនីតិវិធី៕
