ខេត្តប៉ៃលិន ៖ តាមមន្ត្រីនគរបាលស្រុកសាលាក្រៅបានឲ្យដឹងថា÷នៅវេលាម៉ោង ០៩និង២៦នាទីព្រឹកថ្ងៃទី២៧ ខែកុម្ភៈ ឆ្នាំ ២០២២ កម្លាំងប៉ុស្តិ៍នគរបាលរដ្ឋស្ទឹងកាច់ បានទទួលពាក្យបណ្ដឹងករណីហិង្សាដោយចេតនាមានស្ថានទំងន់ទោសចំនួន ០១ ករណី ពីជនរងគ្រោះឈ្មោះ តូត ខ្លា ភេទប្រុស អាយុ ៦២ឆ្នាំ រស់នៅភូមិអណ្តូងថ្ម ឃុំស្ទឹងកាច់ ស្រុកសាលាក្រៅ ខេត្តប៉ៃលិន កេីតឡេីងនៅវេលាម៉ោង ០០និង១០នាទីយប់ រំលងអធ្រាត្រឈានចូល ថ្ងៃទី២៧ ខែកុម្ភៈ ឆ្នាំ២០២២ នៅភូមិអណ្តូងថ្ម ឃុំស្ទឹងកាច់ ស្រុកសាលាក្រៅ ខេត្តប៉ៃលិន ដោយជនបង្កបានយកកាំ.បិតខ្វែវចំនួន ០១ដើម កាប់ទៅលើជនរង.គ្រោះត្រូវចំកំភួនជេីងស្តាំបណ្តាលឲ្យរបួ.សធ្ងន់។
ជនរងគ្រោះឈ្មោះ តូត ខ្លា ភេទប្រុស អាយុ ៦២ឆ្នាំ រស់នៅភូមិភូមិអណ្តូងថ្ម ឃុំស្ទឹងកាច់ ស្រុកសាលាក្រៅ ខេត្តប៉ៃលិន ត្រូវជាឪពុកក្មេក (របួសធ្ងន់ជើងខាងស្តាំ)។
ចំណែកជនបង្កឈ្មោះ ម៉ម ពិសី ភេទប្រុស អាយុ ៣០ឆ្នាំ (ត្រូវជាកូនប្រសារ) រស់នៅភូមិអណ្តូងថ្ម ឃុំស្ទឹងកាច់ ស្រុកសាលាក្រៅ ខេត្តប៉ៃលិន( ជនបង្កបានរត់គេចខ្លួនបាត់)។
សមត្តកិច្ចជំនាញបានបន្តទៀតថា÷ករណីនេះដោយមូលហេតុ៖ កូនបង្កើតនិងកូនប្រសារឈ្លោះទាស់សម្ដីគ្នា ជនរងគ្រោះជាឳពុកក្មេក ក៏ចូលទៅសម្របសម្រួលហើយកូនប្រសារខឹងឪពុកក្មេក ក៏ធ្វើសកម្មភាពកា.ប់ទៅលើឪពុកក្មេកមួយកាំ.បិតត្រូវជើងខាងស្តាំរងរ.បួសធ្ងន់។
បច្ចុប្បន្ន៖ ជនរងគ្រោះកំពុងសម្រាកព្យាបាលនៅមន្ទីរពេទ្យបង្អែកខេត្តប៉ៃលិន ចំណែកឯជនសង្ស័យកម្លាំងសមត្ថកិច្ចជំនាញកំពុងស្រាវជ្រាវតាមចាប់.ខ្លួនយកមកផ្តន្ទាទោសតាមច្បាប់៕
