ចេញផ្សាយដោយគេហទំព័រ(VPN)
ថ្ងៃទី១៣ខែសីហាឆ្នាំ២០២៣
ខេត្តកំពង់ឆ្នាំង៖ គម្រោង មូលនិធិ ឃុំ ឆ្នុកទ្រូ ថ្នាក់ ក្រោម ជាតិ ក្នុង ការ ជួសជុល និង សាងសង់ ផ្លូវ ក្រាលគ្រួសក្រហមដែលមានប្រវែង០.៧០២ម.គទទឹង៦ម៉ែត្រកម្រាស់០.១៥ម៉ែត្រនិងដាក់លូមូលកាត់ផ្លូវអង្កត់ផ្ចិត១០០០មមចំនួន០១កន្លែង(ដាំស្មៅ)និងស្លាកសញ្ញាគម្រោង០១កន្លែងដែល បាន ដាក់ ឲ្យ ដេញ ថ្លៃ ចំនួន ១គម្រោង កាល ពី ព្រឹកថ្ងៃទី០១ ខែសីហា ឆ្នាំ ២០២២ នៅ សាលា ឃុំ ពន្លៃ ស្រុក បរិបូរណ៌ ខេត្ត កំពង់ឆ្នាំង ត្រូវ បាន គេ សង្ស័យ ថា មាន ការ ឃុបឃិត គ្នា រវាង គណៈ កម្មការ ម្ចាស់ លទ្ធកម្ម និង ក្រុម ហ៊ុនអ្នក ទទួល ការ ក្នុង ការ ទាញយក កញ្ចប់ ថវិកាជាតិ របស់ គម្រោង រាប់សិបលាន ហើយ ធ្វើ ការ បែងចែក លុយ ទឹកតែ លើ គណៈ កម្មការ ម្ចាស់ លទ្ធកម្ម និង ក្រុម អ្នក ចាំ យក លុយ ទឹកតែ។
តាមប្រភពពីក្រុមហ៊ុនដេញថ្លៃចាញ់នៅកន្លែងដេញថ្លៃបាន ឲ្យ ដឹងថា គម្រោង ដែល បានដាក់ ឲ្យ ដេញ ថ្លៃ កាលពី ព្រឹកថ្ងៃ ទី ០១ ខែ សីហា នេះ គឺ មាន ចំនួន ៥ឃុំ ក្នុង នោះ មាន ឃុំ ឆ្នុកទ្រូ ១គម្រោង មាន ការ សាងសង់ ផ្លូវ ចាក់ដីក្រាលគ្រួសក្រហម ១ខ្សែ ប្រវែង០. ៧០២ម. តម្លៃ ប៉ាន់ស្មាន ១១៦.៩៤១.៨៩៦រៀល( មួយរយដប់ប្រាំមួយលាន ប្រាំបួនរយសែសិបមួយពាន់ ប្រាំបីររយកៅសិបប្រាំមួយរៀលគត់ ត្រូវបាន ក្រុមហ៊ុន ឡាយផល្លា ចរចា ឃុបឃិត គ្នាក្នុងលុយទឹកតែជាច្រើនពាន់ដុល្លា ។
ចំពោះការ ដាក់ ដេញ ថ្លៃ គម្រោង ដូច របៀប ចងមុង ខាងលើ នេះ គឺ ម្ចាស់ គម្រោង ត្រូវ ចំណាយ លុយ ជាច្រើនលានរៀល ក្នុង តម្លៃ គម្រោង ទាំង មូល មាន ន័យ ថា ក្នុង ១គម្រោង ខាងលើ នេះ មាន ទឹក ប្រាក់ សរុប ជាង ១១៦.៩៤១.៨៩៦លាន រៀល អ៊ីចឹង ត្រូវ ដក ថ្លៃ ទឹក តែ អស់ ជាច្រើន លាន រៀល ហើយ ប្រាក់ ទាំង នោះ ត្រូវ ធ្វើ ការ បែងចែក លើ ក្រុមហ៊ុនដេញថ្លៃ និងបច្ចេកទេស ការ បែងចែក ទៅ ឲ្យ ក្រុម ហ៊ុន ដទៃ ដែល មាន វត្តមាន នៅ ទី នោះ តែ មិន បាន ដាក់ សំណើ ដេញ ថ្លៃ ទេ គឺ ពួកគាត់ គ្រាន់ តែ មក អង្គុយ ចាំ យក លុយ ទឹកតែ ព្រោះ មុន ពេល ធ្វើ ការ ប្រកាស ដាក់ ដេញ ថ្លៃ គឺ ពួកគាត់ បាន ឃុបឃិត គ្នា នៅ លើ សាលា ឃុំ និងខាងក្រោយសាលាឃំុរួច ជាស្រេច ហើយ បើសិនជា មាន ក្រុមហ៊ុន ណា មួយ ដែរ នៅតែចចេស មិន ព្រម ចុះ សម្រុង គឺ មាន បង ធំ ចាំចាប់ទាញយកបីតចេញពីក្នុងធុងចេញក្រៅ មិនចាំបាច់គណៈកម្មការសម្រេចទេ។
សូម បញ្ជាក់ ផង ដែរថា ស្ទើតែរាល់គម្រោង មូលនិធិ ឃុំ – ក្នុងខេត្តកំពង់ឆ្នាំង ដែលបាន ដាក់ ដេញ ថ្លៃ គឺតែងតែកើតមាននូវបាតុភាព ពុករលួយជាលក្ខណៈប្រពន្ធ័តែអញ្ចឹង ។
ទាក់ទងនិងករណីនេះដែរមន្រ្តីលទ្ធកម្មស្រុកបរិបូណ៌លោក លឹមតាំង និងនាយកទីចាត់ការសាលាខេត្តកំពង់ឆ្នាំង លោក ហង្សពិសី
ដែលជាអ្នកគ្រប់គ្រងគំរោងការដេញថ្លៃនេះ (សម្លេងប្រជាជន)VPN យើងមិនអាចសុំការពន្យល់បានទេដោយទូរស័ព្ទរបស់លោកមិនបានលើក។
ជាមួយគ្នានិងភាពមិនប្រកតីរបស់មន្រ្តីលទ្ធកម្មស្រុកបរិបូណ៌លោកលឹមតាំងនិងលោកហង្សពិសី
ដែលតែងតែឃុបឃិតគ្នាជាមួយនិងក្រុមឈ្មួញដេញថ្លៃនេះ ហើយ ដើម្បី ការ សាងសង់ ផ្លូវ ឲ្យ មាន គុណភាព ត្រូវ តាម ស្តង់ដារ និង ការ ដាក់ ដេញ ថ្លៃ ដោយ សេរី យុត្តិធម៌ ប្រជាពលរដ្ឋ ក្នុង ឃំុឆ្នុកទ្រូ រាប់រយគ្រួសារបាន ធ្វើការ សំណូមពរ ដល់ ឯកឧត្ដម ស៊ុន សុវណ្ណារិទ្ធ អភិបាលខេត្តកំពង់ឆ្នាំងគួរ ចាត់តាំង មន្ត្រី ជំនាញ ចុះ ត្រួតពិនិត្យ ពេល ប្រកាស ដេញ ថ្លៃ និង ពេល ចាប់ផ្ដើម សាងសង់ ផ្លូវនោះ ផង៕
ប្រជាពលរដ្ឋម្ចាស់ឆ្នោតរាប់រយគ្រួសារសំុណូមពរទៅដល់ឯកឧត្ដមអភិបាលខេត្តកំពង់ឆ្នាំងលោក ស៊ុន សុវណ្ណារិទ្ធ មេត្តាឲ្យមន្ត្រីជំនាញចុះត្រួតពិនិត្យនិងមើលផ្លូវនោះផងព្រោះថាការសាងសង់ផ្លូវនោះមិនបានដាក់(ដាំស្មៅ)និងដាក់(លូ)កាត់ផ្លូវនិង(ស្លាកគំរោង)។
សូមបញ្ជាក់៖អោយឃើញថានេះគឺជាការឃុបឃិតគ្នារវាងក្រុមហ៊ុននិងមន្ត្រីពុករលួយលោកហង្សពិសីលោកលឹមតាំងមន្ត្រីបច្ចេកទេសជាអ្នកពិនិត្យការសាសង់របស់ក្រុមហ៊ុនផ្ទាល់៕
