ខេត្តបន្ទាយមានជ័យ : ក្រោយពីធ្វើកិច្ចសន្យា ម្ចាស់អាជីវកម្មពិឃាតសត្វ ឆ្កែលក់មន្ត្រីជំនាញត្រូវបានបញ្ជានិងបញ្ឈប់សកម្មភាពជាបន្ទាន់ រួចចាកចេញត្រឡប់ទៅស្រុកកំណើតវិញ កាលពីថ្ងៃទី១៨ ខែឧសភា ឆ្នាំ២០២៣ ស្ថិតស្រុកព្រះនេត្រព្រះនិងស្រុកស្វាយចេក។
ក្រោយពីព័ត៌មានបានផ្សព្វផ្សាយមានធ្វើអាជីវកម្មពិឃា.តសត្វសុនខ (ឆ្កែ) ចេញលក់តាមបណ្តាខេត្តក្នុង១ថ្ងៃចាប់ពី២០០ក្បាលទៅ៣០០ក្បាលមក ដែលមាន២ទីតាំងដោយឡែកពីគ្នា ក្នុងនោះ១កន្លែងស្ថិតភូមិតាស្រី ឃុំតាផូ ស្រុកស្វាយចេក និង១កន្លែងទៀតស្ថិតភូមិព្រីងកោង ឃុំបុស្បូវ ស្រុកព្រះនេត្រព្រះ ខេត្តបន្ទាយមានជ័យ នៅថ្ងៃទី១៩ ខែឧសភា ឆ្នាំ២០២៣ មន្ត្រីការិយាល័យផលិតកម្ម និងបសុព្យាបាលខេត្ត បានសហការជាមួយអាជ្ញាធរភូមិ-ឃុំចុះទៅណែនាំ និងធ្វើកិច្ចសន្យាឱ្យម្ចាស់ធ្វើអាជីវកម្មពិឃា.តសត្វសុនខ (ឆ្កែ) ត្រូវបញ្ឈប់សកម្មភាពនិងសម្លាប់សត្វសុនខ និងដើរដូរឆ្នាំងទិញ ក្នុងភូមិសាស្ត្រខេត្តបន្ទាយមានជ័យ បើស្រាវជ្រាវដឹង ឬឃើញ នឹងមានវិធានការណ៍តាមផ្លូវច្បាប់។
ប្រភពព័ត៌មានតាមសម្ដីអាជ្ញាធរភូមិ-ឃុំ គឺអ្នកធ្វើអាជីវកម្មពិឃា.តសត្វសុនខ (ឆ្កែ)នេះ មកធ្វើអាជីវកម្មអស់រយៈពេលជិត១ឆ្នាំមកហើយ (ដែលលួចលាក់ធ្វើ) ខណៈមន្ត្រីជំនាញមិនបានដឹងនោះទេ ។ទីតាំងភូមិតាស្រី ឃុំតាផូ ស្រុកស្វាយចេក គឺជួលដីអនុភូមិ និងទីតាំងភូមិព្រីងកោង ឃុំបុស្បូវ ស្រុកព្រះនេត្រព្រះ ចំណែកអ្នកដែលធ្វើអាជីវកម្មពិឃា.តសុនខនេះ ក្រោយធ្វើកិច្ចសន្យាហើយ ពួកគាត់ត្រូវត្រឡប់ទៅស្រុកកំណើតវិញនៅឯខេត្តកំពង់ចាម៕
