ភ្នំពេញ៖ អ្នកភូមិមិនបានដេកមិនបានពួនច្រើនយប់ជាប់ៗគ្នាហើយ ដោយសារមានក្មេងជំទង់ៗជិត ២០នាក់ ប្រមូលម្ដុំគ្នាឈរចាំតាមច្រកដឿងហែមចាំគប់គេ និងបានគប់ដុំថ្មប្រសាចពេញថ្នល់ ចំក្បាលយុវជន ៣នាក់ កំពុងជិះម៉ូតូ NEX ឌុបគ្នា ដួលអូសជាច្រើនម៉ែត្រ (ម្នាក់របួសធ្ងន់ធ្ងរ ម្នាក់របួសស្រាល និងម្ចាស់ម៉ូតូរបួសស្រាលបានរត់ចូលក្នុងភូមិហៅគេឲ្យជួយ ត្រូវបានអ្នកភូមិរាយការណ៍ប្រាប់អាវុធហត្ថខណ្ឌមានជ័យ ចេញជួយអន្តរាគមន៍ចុះពិនិត្យមើលឃើញមាន (ដាវ ១ ដើម, កាំបិតប៉័ងតោ ១, ដែកទីប ១ ដើម) នៅចំណុចជាប់ស្ថានីយ៍ប្រេងកាល់តិច ផ្លូវជាតិលេខ ២ សង្កាត់ចាក់អង្រែក្រោម ខណ្ឌមានជ័យ រាធានីភ្នំពេញ កាលពីវេលាម៉ោង ០១ យប់រំលងអធ្រាត្រ ឈានចូលថ្ងៃទី ១៩ ខែ ឧសភា ឆ្នាំ ២០២៣ នេះ ។
ចំណែកអ្នករបួសស្រាល បានលើកម៉ូតូដឹកអ្នករបួសធ្ងន់យកទៅមន្ទីរពេទ្យបាត់ទៅ នៅសល់តែយុវជនម្នាក់ជាម្ចាស់ម៉ូតូ ត្រូវបានអ្នកភូមិហៅកម្លាំងអាវុធហត្ថខណ្ឌមានជ័យ ចុះមកសួរនាំ និងហៅក្រុមគ្រួសារមកនាំទៅមន្ទីរពេទ្យ រីឯវត្ថុតាងកម្លាំងអាវុធហត្ថយកទៅរក្សាទុករង់ចាំធ្វើការស្រាវជ្រាវតាមក្រោយទៀត ៕
