ស្នងការដ្ឋាននគរបាលខេត្តកំពត បានធ្វើឃាត់ខ្លួនឧកញ៉ា ជា សារ៉ន និងពាក់ព័ទ្ធជាច្រើនរូប ក្រោមបទចោទបោកបញ្ឆោតពលរដ្ឋប្រមូលលុយបានប្រមាណ ៤០លានដុល្លារ។
ឧត្តមសេនីយ៍ទោ ម៉ៅ ច័ន្ទមធុរិទ្ធ ស្នងការនគរបាលខេត្ដកំពត លើបណ្ដាញសង្គមហ្វេសប៊ុកនាយប់ថ្ងៃសៅរ៍ទី២២ ខែមេសានេះ បានបង្ហោះសារអមដោយរូបភាពឧកញ៉ា ជា សារ៉ន និងបុគ្គលជាជនសង្ស័យជាច្រើនរូប។
លោកបានសរសេរសារបែបនេះថា ក្រុមហ៊ុនវិនិយោគលើទឹកភ្នែករាស្ត្រ ឬហៅមួយបែបទៀតធ្វើនំអត់ម្សៅ ខ្ញុំអាណិតបងប្អូនប្រជាពលរដ្ឋខ្លាំងណាស់ 2,461 គ្រួសារ សរុបទឹកប្រាក់ជិត ៤0 លានដុល្លា មានទាំងបងប្អូននៅខេត្តផ្សេងៗទៀតក៏ត្រូវចាញ់ការបោកបញ្ឆោតរបស់ក្រុមវិនិយោគដីឡូអស់នេះ សូមបងប្អូនផ្សេងៗទៀតពិចារណាផងមុននិងវិនិយោគជាមួយក្រុមហ៊ុនប្រភេទនេះ៕