នៅយប់ថ្ងៃទី23-02-2023 វេលាម៉ោង 01:10នាទី ករណីប្រពន្ធចាក់ប្ដី ស្ថិយនៅភូមិអូរតាណឹង ឃុំក្បាលដំរី ស្រុកសំបូរ ខេត្តក្រចេះ។
ក្រោយពីធ្វើសកម្មភាពរួមក៏មានការភ្ញាក់ផ្អើលដល់លោមេភូមិអូរតាណឹង ក៏បានទូរស័ព្ទមកប៉ុស្តិ៍នគរបាលរដ្ឋបាលក្បាលដំរី ថា មានករណីជនមិនស្គាល់អត្តសញ្ញាណបានលួចចូលទៅក្នុងផ្ទះ របស់ ឈ្មោះ អ៊ាន ក្រាញ ភេទប្រុស អាយុ63ឆ្នាំ និង ប្រពន្ធឈ្មោះ ស្វាយ សារៈ ភេទស្រី អាយុ53ឆ្នាំ មានទីលំនៅភូមិអូរតាណឹង ឃុំក្បាលដំរី ស្រុកសំបូរ ខេត្តក្រចេះ។ បានធ្វើសកម្មភាពចាក់លើឈ្មោះ អ៊ាន ក្រាញ ចំត្រង់ករ ដែលកំពុងដេកលង់លក់ជាមួយប្រពន្ធ។
ក្រោយទទួលបានពត៌មានកម្លាំងនគរបាលយុត្តិធម៌ស្រុកសហការជាមួយកម្លាំងប៉ុស្តិ៍នគរបាលរដ្ឋបាលក្បាលដំរីធ្វើការស្រាវជ្រាវកំណត់មុខសញ្ញាជនសង្ស័យគឺការពិតជាប្រពន្ធឈ្មោះស្វាយ សារ: ភេទស្រីអាយុ53ឆ្នាំ។
ក្រោយពីកម្លាំងសមត្ថកិច្ចជំនាញបានធ្វើការសាកសួរជនសង្ស័យបានសារភាពថាខ្លួនពិតជាបានយកកូនកាំបិតចុងស្រួចចាក់ទៅលើបំពង់កឈ្មោះអ៊ាន ក្រាញ់ (ជាប្តី)មួយកាំបិតពិតប្រាកដមែនមូលហេតុមកពីទំនាស់ពាក្យសំដីនិងគ្នា។
បច្ចុប្បន្នជនរងគ្រោះត្រូវដឹកយកទៅព្យាបាលនៅមន្ទីពេទ្យបង្អែកសំបូរ រីឯជនសង្ស័យត្រូវឃាត់ខ្លួននៅអធិការដ្ឋាននគរបាលស្រុកសំបូរដើម្បីកសាងសំណុំរឿងទៅការិយាល័យជំនាញខេត្តបន្តរនិតិវិធី ។
